Zorionak, Real!

34 urteren ondoren, momentu sinestezina da Realeko zaletuentzat eta gipuzkoar guztientzat, oroitzeko moduko momentua. Hala ere, arduraz jokatu behar dugu, ospakizunei begira. Arduraz gozatu behar ditugu egun hauek. Gipuzkoan badakigu galtzen eta irabazten, eta orain irabazten dakigula erakusteko unea da, eta gainera, COVID-19 pandemiaren garaian.

 Zentzu honetan, arduraz jokatu behar dugu; zaindu gaitezen geure artean, eta zaindu gaitezen gizarte bezala. Honela, distantziak mantendu eta jende-pilaketak ekiditean jarri behar dugu azpimarra. Gauden momentuan egonda, pandemia testuinguru batean, hau da egoerak eskatzen duena. Eta esaten dudana esaten dut bihotza pozez gainezka dudala, inork kendu ezin digun barneko poz batekin.