Herri-dirubideen Euskal Kontseiluko erabakiak

Batzar Nagusietako Erakundeetarako, Gobernurako eta Araudirako Batzordean Herri-dirubideen Euskal Kontseiluan hartutako erabakien berri eman dugu gaur. Gipuzkoak 4.393 milioi euro bilduko ditu aurten, aurrekontuan jasotakoa baino 743 milioi gutxiago (-%14,5) eta pasa den urtean bildutako baino 631 milioi gutxiago (-%12,6). Datorren urteari begiratuta, zerga bilketak gora egingo duela aurreikusten da, 4.648 milioi euro biltzea aurreikusten da. Zenbateko hau 2020 itxierarako egin den aurreikuspena baino 255 milioi altuagoa da (+%5,8).

Aldundia bultzatzen ari den proiektu estrategikoak “ezinbestekoak” dira lurraldeak krisialdia gainditu eta etorkizuna izateko. Momentu honetan, COVID-19 gaitzaren pandemiak gurean jarraitzen duenean, gure lehentasun nagusiak dira, alde batetik, gizarte politika eta kohesio soziala indartzea eta, bestetik, jarduera ekonomikoa babestea. Bi helburu horiek gauzatzeko funtsezkoa da etorkizuneko apustuak egiten jarraitzea.