Nazioarteko esperientzia handia eta kualifikazio maila handia duten 400 pertsona inguruk aukera izango dute lurraldeko 40 enpresak eskaintzen dituzten lana eta lan aukerak bertatik bertara ezagutzeko, Gipuzkoa Talent Forumen laugarren edizioan, Gipuzkoako Foru Aldundiak talentua sortzeko, erakartzeko eta atxikitzeko duen estrategiaren barruan urtero antolatzen duen foroan. Donostiako Reale Arena estadioan egin da topaketaren irekiera ofiziala. Erabateko lehentasuna da industriaren lehiakortasunari eustea, pertsona guztiek, batez ere gazteek, beren bizitza eta lan proiktuak garatu ahal izan ditzaten Gipuzkoan. Pertsona guztiek beren potentziala garatu dezaten egiten dugu lan.
Etiketa: Diputación Foral de Guipúzcoa
Abbadia Saria jaso du Arantza Urretabizkaiak, bere ibilbidean euskarari egindako ekarpenagatik
Euskal literaturan “emakumeak duen presentzia eta iruditeria” aldatu ditu idazleak, Markel Olano diputatu nagusiaren esanetan.
Arantza Urretabizkaia (Donostia, 1947) idazleak Abbadia Saria jaso du gaur Markel Olano Gipuzkoako diputatu nagusiaren eskutik, Foru Aldundiko jauregian egindako ekitaldian. Erakundeetako, eta euskal kulturari zein euskarari lotutako eragileetako 100 bat ordezkariren babesa izan du Urretabizkaiak, ohi bezala Euskararen Nazioarteko Egunaren bezperan egin den sari banaketan. Euskara aro modernora ekartzeko eta euskal literaturan emakumearen papera aldatzeko egindako lanagatik erabaki du epaimahaiak izendapena ematea. Baita bizitza osoan zehar euskararen alde egindako ekarpenagatik, eta euskara batua normaltzearen alde egindako guztiarengatik.